وفي مقدمة هؤلاء النجوم الفنان شريف منير الذي أعلن عن رغبته في التعاون معها من خلال منشور عبر حسابه على Facebook جاء فيه “”عزيزتي الفنانة منى فاروق.. ربنا غفور رحيم.. وأعتقد ناس كتير مسمحاكي.. ومتعاطفة معاكي.. وأنا منهم.. لا تيأسي كل حاجة بتعدّي وياما ناس غلطت أكتر منك وعدّت على خير .. وعايشين بينّا وبيشتغلوا والناس نسيت”.
وأضاف “ماتقسيش على نفسك أوي كده.. منتظرك علشان أمثل معاكي.. منى فاروق ممثلة شاطرة وأكون سعيد جداً إني أمثل معاها”.
وانضم الفنان محمود البزاوي إلى شريف منير وأيد موقفه في دعم منى فاروق من خلال تغريدة عبر حسابه الخاص على Twitter جاء فيها “بضم صوتي لصوت صديقي العزيز شريف منير في دعم الفنانه منى فاروق، رحم الله من تغافل لأجل بقاء الود، ودوام المحبة، وستر الذلة، والكمال لايكون لأحد من البشر إلا لله،، مضيفا “قال خير البشر صلى الله عليه وسلم: (كل بني آدم خطاء، وخير الخطائين التوابون، أدعم منى فاروق”.
وعبر برنامجها “كل يوم” على قناة ON، علقت الإعلامية بسمة وهبة على أزمة منى فاروق قائلة “شوفتوا الموضوع وصل لفين؟ ده بدل ما ندهيم فرصة ونساعدهم.. ربنا هو القوي شديد العقاب مش إحنا البني ادمين، هو الغفور الحيم، أنا مش بدافع عن أي غلط في الموضوع ده، أنا بس بقول نرحم الناس وإن ربنا هو اللي ستار”.
وحرص الفنان أمير عيد على دعم الفنانة الشابة مشيرا إلى ضرورة إعطائها فرصة أخرى وألا نحكم عليها من خلال فيديو تسرب لها وقال عبر حسابه على Twitter “كلنا بنغلط ونندم ونتعلم ونرجع نحاسب نفسنا ونقول إزاي عملنا كده وربنا بيستر علينا وانا أولكم. المعاصي كتير وكل واحد ممكن يغلط بشكل مختلف”، مضيفا “مينفعش نختزل حياة إنسانة وماضيها ونحكم على مستقبلها بسبب فيديو مسرب انتهك خصوصيتها وكفاية عليها ألم الفضيحة وقسوة الناس”.
أما المخرج عمرو سلامة علق على الأزمة عبر حسابه على Twitter قائلا “تابعت قصة الممثلة منى فاروق، منى فاروق ضحية، مهما كانت عملت إيه ودوافعها إيه هي ضحية، هي لا قررت تصور ولا قررت تنشر فيديو، فضحها ووصمها وجلدها هو اللي جريمة”.
كما علق الفنان محمد علي رزق على صفحته عبر Facebook وقال “أتمني إن مني فاروق الناس تبعتلها في الشغل و يتعاملوا معاها عادي”، مضيفا “كلنا بنغلط ومفيش حد فينا ملاك و كلنا عندنا بلاوي بس هو الواحد ماشي بستر الله مش أكتر”.
المخرج محمد سلامة تضامن بدوره مع منى فاروق عبر حسابه على Twitter قائلا :ده حال شخص المجتمع بيقرر انه يغتاله علشان غلط مجتمع بيجلد من غير رحمه وبيجبر الاشخاص علي العوده لورا مره تاني”.
