قال المستشار مرتضى منصور، رئيس نادي الزمالك، بعد خسارة الأبيض أمام بيراميدز، بركلات الترجيح إن فيريرا اتغير بسبب جمهور الزمالك، ومش بيسمع رأي حد.
أضاف مرتضى منصور خلال تصريحات تلفزيونية عبر قناة الزمالك، أن فيريرا مستمر في منصبه ولن يرحل، وباتشيكو تفوق على فيريرا بعد طرد علي جبر وخروج عبد الله السعيد، وبقولُّه: اتق ربنا والعب بكل واحد في مكانه.
أضاف: الزمالك به 4 فرق ومحدش بيباصي لسامسون اللي جايب 28 جول، ومحمد عبد الشافي كان أقوى لاعب في الملعب، وعمرو السيسي بيتوظف غلط في الملعب، والله العظيم التدريب مش كيميا، كل واحد يلعب مكانه.
وتابع مرتضى منصور: شلة الأجانب وشلة الغلابة وشلة المعلمين.. مش هسكت على الشللية اللي شامم ريحتها وهفككها قريبا، وأطالب الجماهير بكتم غضبهم وغيظهم ومساندة الفريق حتى مباراة الأهلي.
وأكمل: فريق الزمالك كله بيقبض ماعدا أنا وأمير والجمهور العظيم، وبقول للمدرب تانيك خد رأي المساعدين.. دول نجوم مش خدامين، واللاعب اللي عنده عرض يجيبه ويمشي.
