أكد الرئيس عبد الفتاح السيسي أن تنفيذ المشروعات الجديدة كان ضروريا لموجهة البناء العشوائي المخالف وتنظيم حركة المرور وللمصلحة العامة.

وقال الرئيس السيسي – في مداخلة خلال افتتاحه لعدد من المشروعات القومية اليوم الاثنين – إن الدولة واجهت مشكلات الطرق بالقاهرة بسبب البناء المخالف، لافتا إلى أن الدولة بذلت جهودا كبيرة منذ 5 سنوات لتطوير طرق القاهرة وكان لابد من الموازنة بين المصلحة العامة للمواطن والمصلحة العامة للدولة.

وتابع قائلا: إنه خلال 6 سنوات الدولة صممت على البناء بمشاركة أبناء الوطن لتسهيل الحركة وعملنا على التيسير على المواطنين فى العاصمة القاهرة وإعادتها لرونقها.

وقال الرئيس عبد الفتاح السيسى، معلقا على صورة توضح زحام مرورى فى القاهرة إن الزحام المرورى ينتشر فى العديد من المحافظات فى القاهرة والإسكندرية، وغيرها من المناطق فى القاهرة الكبرى، متابعا: “ليه المصريين سكتوا كده.. وليه المسئولين فضلوا لحد الشوارع ما بقت كده”.

وأضاف الرئيس السيسي – خلال كلمته فى افتتاح عدد من المشروعات القومية الجديدة – أن الشوارع المزدحمة لن يجدى معاها المرور، متابعا: “قولت من 6 سنين.. نبنى الدولة معا وايدنا فى ايد بعض، ونتحرك مع بعض لحل المسائل، واتكلمت مع الدكتور مصطفى مدبولى هنفتح في المريوطية والجيزة من أجل تسهيل حركة الناس”.

وقال السيسي: “ننظر إلى هذه الصورة ونفكر فيها جيدا، الصورة فيها كثيرا من شوارع القاهرة والإسكندرية ومحافظات أخرى بهذا الشكل، وكنت بتحدث لم يفكر محافظ كان أو رئيس حي أو وزير مختص يقول يجب أن نتوقف عن البناء في هذه المحافظات أو في حالة البناء نقلل من المباني المرتفعة بمقدار النصف”.. وتطرق بالقول :”هو الحل فقط إننا نقول وقتها لماذا المرور لم ينظم الحركة في البلد”.

وتابع قائلا:” لكي توفر للمواطنين أبسط شئ إنه يسيير بيسر وسلام بنتحدث في 175 مليار جنيه في السنة نخليهم 100 أو 50 إذ كنا هنصرف عشان نرفع كفاءة شبكة الطرق في مصر 200 أو 250 مليار جنيه معناه في ثلاث أو أربع سنوات نعوض الخسائر ديه بما فيه الوقود والتلوث الذى يضر الناس”.

وقال الرئيس السيسي: “حبيت أتوقف في النقطة ديه عشان لما تجي الناس كتير تلاقي اننا بنوقف البناء يتصوروا اننا ضد مصالحهم لأ.. أربط بين الذى تفكر فيه ومصلحتك الشخصية وبين المصلحة العامة للدولة والناس”.

وقال السيسي “اليوم سيتم عرض جزء من العمل الذي تم تنفيذه على مدار الـ 5 شهور الماضية، لكن احنا بنعمل منذ 6 سنوات.. صحيح.. شغالين منذ 6 سنوات، طريق السويس كان حارتين رايح و حارتين جاي والطريق ده كان بيتوقف أمام ألماظة عند القوات الجوية ويبقى الصف واقف لحد الأمن المركزي والروبيكي والآن لا يوجد هذا، رغم الزيادة اللي حصلت في عدد المركبات المتحركة”.

وأضاف الرئيس السيسي “تاني كنت بكلم الدكتور مصطفى وبقولو هنفتح المحاور بتاعة الجيزة ازاي .. فقالي تعويض الناس في الكيلو علشان أفتح طريق هيكلفني مليار جنيه .. يعني لو عاوز أعمل محور طوله 7 و 8 كيلومترات هيكلفني من 7 إلى 8 مليارات جنيه تعويضات لأننا مش هنقول للناس اللي موجوده هناك امشو .. وتحملو انتو الموضوع ده .. احنا هنشيل الناس وهنعوضها علشان تعيش في أمان وسلام وكمان هنخلي الناس اللي عايشة مكان ما هنفتح تعيش كويس وده إجراء بنعمله مع اي حد”.

وتابع الرئيس السيسي قائلا:- ” انا بكرر الحديث تاني عشان كتير مننا لا يتوقف أمام قرارات قد تجدوها غريبة”.

وأضاف الرئيس السيسي “النقطة التانية اللي عاوز أقولها .. يمكن الكلام بس بيتقال على الطرق لكن صدقوني احنا كل قطاعات الدول اشتغلنا فيها كده علشان بس الأمور تبقى واضحة.. كل قطاعات الدولة يعني ايه .. يعني احنا عملنا بنفس المستوى ده الجهد والتكلفة بتاعة شبكة الطرق القومية وغيرها مثلا في قطاع زي قطاع الطاقة..ايوة .. وتكلف من 600 إلى 650 مليار جنيه علشان نوصله لمستوى جودة يليق بيكم ويليق بالحاضر و مستقبلنا القادم .. 600 مليار وشغالين ونفس الكلام في قطاع الزراعة .

ووجه الرئيس السيسي للمسؤولين كلمة قائلا: “أوعى تفتكر نفسك كمسؤول هتقدر تشوف إلا إذا كنت طول ما إنت ماشي تبص كويس وتفحص وتفكر، علشان تقول إن المشكلة دي ممكن نحلها أم لا..ودي نقطة”.

وأضاف السيسي: “أما النقطة الثانية، مثلا مشروع في الروبيكي مدينة الجلود يأتيني خبر إن الناس بدأت تتعدى وتقوم بعمل عشوائيات داخل المدينة.. لمادا نفعل ذلك؟ يجب أن تكون في أبهى صورة ونحسن استخدامها، ولو المعنيين بالموضوع سواء كانوا شركة تدير المدينة أو أى شخص آخر، يعرف طلبات الناس عوينقلها لنا ونحن المسوؤلين نجد له حل”.

وطالب الرئيس السيسي، من الدكتور مصطفي مدبولي رئيس الوزراء بإزالة أى تعد موجود، قائلا: “قلت سابقا وسأكررها في كل مرة خلال لقائنا.. نحن لن نعود لما كنا عليه من فوضى في كل شئ ، الموضوع ده انتهى، هذه مراحل عشناها واستحملنا فيها حتى تصل الدولة إلى ما كانت تستطيع أن تجابه تحدياتها ومشاكلها ، لكن الفوضى مرة ثانية تدخل تعمل ما تريده هدا أمر غير مقبول هذه بلدنا كلنا”.

وتابع : “اليوم في العرض ال هتشوفوه، كان عرض عليا اللواء إيهاب منذ أيام، الجزء المتبقي بتاع مدينة نصر.. أبو داود .. والظاهري ..ومكرم عبيد .. وأحمد فخري ، وحسن مأمون ، وذاكر حسين، بيكلمنا عن 28 كيلو هناخدهم من المناطق الخضراء الموجودة في الشوارع دي، كانت قبل كده من 20-25 سنة ما كنتش محتاج تعمل ده ، لو انت احترمت الارتفاعات المطلوبة في مدينة كمدينة نصر، كان التخطيط يقول 3-4 أدوار وجراج أسفل منها، أصبح الان 13-14 طابقا والجراج يتم عمله بشكل معين ، ويقولوا ليس صالحا للاستخدام والعربيات تقف في الشارع إللى له 3 محاور حركة”.

واردف قائلا: “عرض إيهاب عليا نشيل من الجزر الخضراء علشان نخلي الحركة أسهل على الناس، وما تكلمت عنه تكلفته 500-600 مليون جنيه، في الشوارع ..وتبقى إنت فرحان إنك بتنبي 14 طابقا علشان يبقى لك عائد ومكسب، بس إنت بتأذى بلدك،.. والكلام ده مش نظرة سلبية لا ولا حاجة إحنا زي الفل وماشيين وهنمشي أكثر وهنعمل حاجتنا ، بس خلي بالكم مش هسيبكم ..كل حاجة غلط هصلحها بفضلك يارب، وهترجع مظبوطة زي الدول..واحتراما لكم وتقديرا ليكم ومحبة فيكم يا مصريين تعود مصر دولة كما ينبغي أن تكون”.

وقاطع الرئيس السيسي ، رئيس الهيئة الهندسية للقوات المسلحة ، اللواء أركان حرب إيهاب الفار ، خلال حديثه عن العمارة التى تم إزالتها والتى تعد تشويها لكوبري الحلمية، قائلا: ” أنا عايز أقول عن العمارة دي نقطة مهمة، هي مش بس مشوهة الكوبري ، إنت عايز تعمل حركة جانبيه تحت علشان حجم الحركة داخل هذه المنطقة لانها مكتظة بالسكان”.

واستعرض الرئيس السيسي العمارة، متسائلا: “الناس دي هتقعد فين وهتتحرك إزاى ، ولو عندها عربيات هتحطها فين ، كام دور، ومين اداهم الترخيص، هو مالوش ذنب، الموضوع مش فساد ، الموضوع الناس مش عارفة هو مين ، سواء كان رئيس حي وأنا أسف إني بقول كده، او محافظ، أنا بتكلم مش على القاهرة، أنا بتكلم بصفة عامة ، نحن محتاجون نتعلم نواجه مشاكلنا إزاي.. إيه ده .. أنا بجيب الصور دي والكلام ده انا بشوفه لما بنزل أتمشى بالعربية أشوف الدنيا فيها ايه في بلدنا، أنا مش بعيد عنكم ، بشوف إن نحن إل عاملين المشكلة بنفسينا، إحنا ال ساكتين، بتديله ليه ترخيص، وترخيص بالحجم ده ليه ، هو ما فيش علم بيقول انك لازم تعمل حسابك على الحركة وسهولتها للناس ال هتبقى قاطنة في المكان ده ولا هي الفكرة إن إحنا منفصلين عن بعض، وستجدوا من إل أنا بقول عليه كتير، ولسة لما ندخل قدام”.

وقال الرئيس السيسي”عرفنا نطور بعض الطرق والوصلات على مساحات فارعة لكن لو في مساكن ناس حنضطر نعوض الناس دي كلها ونشلها، أنا بكرر الكلام ده علشان تساعدونا لأن الفلوس التي تصرف في إصلاح ما نحن فيه أموال كثيرة جدا جدا ومش حنتردد أبدا أننا نصرفها لكن لازم تساعدونا”.

وتابع “أن هناك وصلات تم إنشائها داخل أراضي الهايكستب لتطوير محور السويس، حيث أن طريق السويس كان حارتين فقط وأننا رفقنا بالمواطن بتطويره”..موضحا “أنت علشان نحل كل المسائل في مصر محتاجين تليريونات كتير جدا وان شاء الله احنا حنكمل”.

وأضاف “أحنا هنا حنعمل نظام مروري متطور لمراقبة سرعة السيارات، علشان نحكم سرعات الناس احنا مش حنفرح الناس تموت نفسها”.

وأكمل “ده حيديني أمان على الطرق، لو احنا عملنا الكلام ده حيديني سيطرة على الطرق باستخدام الوسائل الحديثة عن طريقه تنبيه السائق عن سرعته ومخالفاته على الطريق