كشف المطرب إيهاب توفيق، تفاصيل كوميدية عن تصوير أول كليب له، لأغنيته «داني» في نادي الشمس.

وقال إيهاب توفيق، خلال لقائه ببرنامج «معكم»: «قالوا لي تعالَ نصور أغنية داني، وكنت أول مرة في حياتي أصور أغنية، ولا عارف هصور إيه ولا مين هيظهر معاية ولا السيناريو إيه».

وأضاف: «لما رحنا نصور أغنية داني في نادي الشمس، كانت الناس بتلعب كورة والمخرج قال لهم تعالوا اقفوا ورانا نعمل منظر، وارتجلنا وقعدت أغني للبنت دي شوية وبنت تانية شوية، وطلع التحفة اللي الناس شافتها».

تابع: «السيناريو وتصميم الرقصات كله كان على الهواء ومحدش قال لي قبلها هنعمل إيه، لدرجة إن كان فيه عيال بتلعب كورة ورانا، ونزلت الأغنية وكانت بتتذاع بس بعد فترة اكتشفنا أن الكليب عار وأعدنا إحياءه، احنا ما كناش المخرج بيصور لنا إيه، وكان فيه 11 مطرب غيري مستني في نفس المكان علشان يصوروا».