هي احد ابرز الوجوه الاعلامية الشابة التي ظهرت خلال السنوات الاخيرة وقدمت نفسها في المجال الاعلامي بشكل مميز عبر أكثر من محطة فضائية لعل ابرزها برنامج صورة وبصمة ثم مؤخرا قناة صدى البلد، هي المذيعة صاحبة الاطلالة الجذابة مونيكا محي الدين ، حاورتها مجلة ارقام في علاقتها بالكرة وانتمائها المحلية والعالمية بجانب متابعتها لنجوم الكرة ..
في البداية بتشجعي كورة من امتى؟
من وانا صغيره العيلة كلها كانت بتشجع الزمالك بس قولت انا مش همشي بدماغ حد وبقيت اشجع الاهلي ومن ساعتها بيكسب الزمالك وشي حلو عليهم..
اهمية ممارسة الرياضة في حياتك بشكل عام ؟
الرياضه ليها دور كبير جدا في حياتي من وانا عندي ٧ سنين قررت اني العب كاراتية وحصلت بالفعل علي الحزام الاسود كومتيه وبعدها في الكليه لعبت كوره الريشه لحد الان حريصة جدا على ممارسة تمارين في الجيم بشكل مستمر..
امتي اول مرة روحتي فيها استاد؟
اول مره رحت استاد من زمان بس حصلت خناقة كبيرة جدا من جمهور الاهلي والزمالك وقررت بعدها اتفرج من البيت
بتشجعي مين في أوروبا؟
اكيد الأندية الكبيرة زي ريال مدريد في اسبانيا وليفربول في إنجلترا
مين هايكسب الدوري الانجليزي ؟
اتمنى ليفربول اكيد
عندك تيشرت مين من نجوم العالم ؟ وهل جالك هدية رياضية قبل كدة؟
لا بس عندي تشيرت الاهلي بالنسبالي بنجوم العالم كله
هل ممكن يكون عندنا محمد صلاح جديد؟
صعب لكن أمام عاشور لاعب شاطر جدا مستواه الفني والبدني ممتاز متأكدة انه هايكون رقم ١ قريب
لو اتقالك هاتدخلي تجربة التمثيل مين نجم الكرة العالمي اللي ممكن يكون بطل العمل معاكي ( رونالدو – إبراهيموفيتش – نيمار)
رونالدو طبعا
انبطاعك عن برنامج اللون البلد في أول إطالة؟
برنامج الوان البلد نجح نجاح ماكنش متوقع من اول حلقة والحمد لله رب العالمين من البرامج اليومية المتميزه علي صدي البلد ٢
اية رايك في تواجد العنصر النسائي بشكل مؤثر في الفترة الاخيرة في البرامج الايت ؟
العنصر النسائي مطلوب في مجال لان الست عادة بيبقي ليها بصمة مميزة عن الراجل واتمني اني اشوف نساء شرطيات في اقسام الشرطة بدل مافي رجاله فقط..
ويكون ليها مكان لان بشوف ستات كتيره بتلعب العاب قويه ذي الكارتيه والبوكسنج ومؤهله انها تمسك شغل ذي ده..
هل نجاح المذيعة بيكون للاجمل ام لااكثر ثقافة ام الاكثر جاذبية ؟
نجاح المذيعه بيعتمد علي شطارتها لا جمال ولاجاذبية هما مطلوبين طبعا بس كتير شوفنا مذيعات حلوين بس مافيش كاريزما امام الشاشة ممكن يكون شكلها مقبول وخليني اقول ان الشطارة والثقافة وسرعة بديهة المذيعة ده مفتاح النجاح الحقيقي..
صح ولا غلط :
مونيكا شخصية اجتماعية؟
انا شخصيه اجتماعيه جداااا وباخد علي الناس بسرعه بس دايما ببقي واخده حذري من اللي ادامي لان مش كل الناس وحشه ومش كل الناس حلوه بس انا بحب الناس جدااااااا وبحب اساعد اي حد اللي اعرفه واللي مش اعرفه..
استضافة النجوم بأرقام فلكية أصبح امر مبالغ فيه؟
كل فنان بيبقي ليه قيمته اللي بيحددها وانا شايفه انها حرية شخصية لـ اي فنان اي حد يطلب اللي هو عاوزه
بحب الساحل اكتر من الجونة؟
بعشق الاثنين الساحل في الصيف والجونه قي الشتاء
الإعلام في مصر محتاج تغير شامل؟
محتاج وقفه علشان شايفة الصراحه حاجات كتيره بتظهر بشكل غير مناسب ل اي شاشة وخصوصا البلوجرز اللي معندهمش محتوي بس نقيب الاعلاميين دكتور طارق سعده ونائب مجلس الشيوخ الصراحة مشكورا اخد قرار صريح بوقف برامج كانو بيروجو للبلوجرز دون المحتوي ومنع بوقف كل ذلك وخصوصا ان مهنه الاعلامي هو النصح والارشاد ومساعده المجتمع للتوعيه
السوشيال ميديا ضررها اكتر من نفعها؟
السوشيل ميديا سلاح ذو حدين في اللي بيعرف يستغلها صح ولكن المعظم بيسخدمها غلط للاسف
