حلت الفنانة هبة مجدي ضيفة برنامج أرقام مع إيناس سلامة الشواف على راديو إنرجي وكشفت عن كواليس حياتها وأعمالها الفنية.
وقال في تصريحاتها:
العمر مهم جدا مينفعش يبقى مجرد رقم لأن كل فترة
لها طبيعتها.
- عن نفسي رقم العمر بربطه بالزواج والإنجاب وبفضله في أواخر العشرينات لأن صعب مجهود الحمل والولادة في عمر متأخر أو بدري
- النضج مرتبط بالسن والخبرات مش عامل واحد
- الشغل النجاح مالهومش سن هما مرتبطين بالاجتهاد والحظ والمكتوب ياما ناس بتلمع وهي كبيرة
- كامل العدد في القاعة ده نجاح ومسؤولية كبيرة لأنه إقبال على شغلك وده حاجة تبسط جدا
- رقم الترند مش بيهمني لأنه بالنسبة لي بيطلع عادة للأسوأ
- المهم في الإيرادات وأرقام المشاهدة تبقى حقيقية
– معرفش أجور زملائي إيه ولو ركزت على النقطة دي وقتها القيمة هتقل.. الأجر العالي هيتحققلك لو اشتغلت كويس وبقيت مطلوب.
– ترتيب الأفيش بيضايق فبرضه مبقيتش أركز فيه لأن كتير اتفاقات مش بتتم.. اللي يهمني هو الدور وتأثيره على الجمهور.
– أرقام المتابعين مكانتش مهمة في بدايات ظهور السوشيال ميديا.. بعد فترة بقت مهم ولقيت ناس كتير بتعلق على الأرقام اللي عندي.
– عن نفسي حلو إحساس إن في متابعين حقيقين و ده بيبان في تفاصيل كثير وفي الشارع.
– بحب توقيت نزول العمل في رمضان ميتنسيش وبيهون تعب شهور التصوير اللي قبلها.
– جوزي بعتبره الضهر والسند وأمي وحماتي الواحدة منهم بعشرة.
– أول عمل ليا في التمثيل كان مسلسل في صوت القاهرة كان عندي ٨ سنين.. كنا أطفال بنشتغل بدون أجر.
– خدت سنين كتير عشان أوصل لأول خطوة ترضيني… يعني من عمر ٨ سنين لحد ما قدمت “قصة الأمس” سنة .٢٠٠٨
– مركزتش كام عمل ليا بعتبره علامات مهمة ليا.
– مسلسل “موسى” كان صعيدي وظروف تصويره في أماكن صعبة والمشاهد كان أغلبها ماستر سين فأوقات تصويره كانت بتوصل لـ ٦ ساعات في المشهد الواحد.
– أطول عمل صورته كان “قصة الأمس” مع أستاذة إنعام.. استمر لمدة سنتين.
– أقصر عمل ليا وبعتبره من أهم ما قدمت حلقات مسلسل “عيشها بفرحة” من قصص مسلسل “٥٥ مشكلة حب”.. صورناه في ١٦ يوم وهو كان ١٠ حلقات وكنا بنصور قبل الإذاعة بيوم.
