كشف الفنان والكاتب عمرو محمود ياسين حقيقة تغير نهاية مسلسل وننسي اللي كان للفنانة ياسمين عبد العزيز الذي كان يعرض خلال هذا الموسم الرمضاني الحالي.
مسلسل وننسي اللي كان
وكتب عمرو محمود ياسين عبر صفحته على موقع التواصل الاجتماعي فيسبوك:”هبدة كل سنة .. يقولك النهاية اتغيرت ..اولا مافيش مره بدخل فيها أي عمل و ببقى مش محدد النهاية ايه كإطار عام.. عشان ده أكتر شيء بيسهل رحلة الكتابة .. لاني عاوز أوصل لنقطة بعينها .. فاعندي هدف ..”.
وتابع :ثانيا سيكونس مشاهد ال MMA اللي قبل مشهد النهاية ..ده معروف و متحدد من زمان لان الأمور دي عايزه تجهيز .. يعني لازم نعمل معاينة .. نحجز مكان .. نجهز ديكور .. اضاءه .. نحجز مجاميع .. يتعمل أوردر عمل .. الخ .. الخ .. و لسه كل ده مابتدناش التصوير اللي بياخد يوم كامل ع اقل تقديرو انتوا اكيد شفتوا الكواليتي اللي متقدم في المشاهد دي ..و ده كواليتي ماينفعش يبقى الو .. صباح الخير ..ماتيجوا نعمل مشاهد ضرب للركب و يلا بينا ! “.
وأضاف:” ايه السذاجة دي بجد؟ التصوير مش موضوع سهل ده معقد جدا و مليء بمئات التفاصيل ( و خصوصا لو أكشن)، ده غير ان البطولة اللي بيخوضها بدر السباعي و اللي أهلته لبطولات اهم كما ظهر في الفوتومونتاج الذي تلى البطولة كانت ضرورية لتأمين نهاية سعيدة ..لان مش معقول ان جليلة و بدر يقدروا يعيشوا حياة سوية في ظل وجود فجوة كبيرة بينهم ..! ”
وأكمل :” يعني كان ضرورة دارمية محددة عندي من البداية بما اني من البداية ايضا مستهدف النهاية السعيدة .. فا الموضوع متفق عليه من بدري جدا و معروف للجميع .. حتى الاغنية كانت متحددة و متفق عليها من بدري ..(اغنية كله بيقلدك)، انا بستغرب قوي ان بعض الناس بتكلم الكلام ده !! و للاسف بعضهم بفترض فيه ان عنده خبرات بالعملية التصويرية و الانتاجية ..
