عبر الفنان محمد ثروت، عن سعادته بفوز منتخب مصر على نيوزيلندا بثلاثية، مردفًا: «إحنا متصدرين المجموعة ومعانا 4 نقط دلوقتي، إحنا حقنا ندخل أحسن “توالت” في البطولة».
وأردف محمد ثروت، خلال تقديمه برنامج “قبل الماتش”، مع الفنان عمرو رمزي، والذي يذاع على قناة صدى البلد، قائلًا: «أنت عارف أن أمريكا عندها أحسن “توالتات” ليه، علشان بياخدوا “التوالت” والسيراميك من هنا، من سيراميك كليوباترا».
وتابع: «اللي حصل بين الشوطين في مباراة نيوزيلندا ومصر، رئيس الفيفا قالي في أوضة اللبس: دخلت حمام المصريين، لقيت إبراهيم حسن ساحب اتنين لعيبة في إيده، وحسام حسن ساحب حسام عبد المجيد، وراح ضاربه بالبوكس، وعبد المجيد قالي: “آه يا عيني، آه يا عيني”».
وتابع: «كان وراء الستار واقف حمزة الصغير، لمحه حسام حسن وقال: “يا أوفا شيل ده من هنا”، وبعدين حسام شاف محمد صلاح، قاله: “يا فرعون مين فرعنك؟”، قاله: “مش لقيت عميد”، قاله: “لا أنا موجود”، ونادى على زيكو قاله: “هات الجزمة الذهبية من فوق الدولاب”».
وأكمل: «حسام حسن لمح زيكو وقاله: “يا زيكو لو مش جبت هدف الشوط التاني مش هسيبك”، أنا بقولك حسام اللي ضرب عبد المجيد، التقرير الطب الشرعي بتاع الفيفا أن الضربة العنيفة لحسام عبد المجيد بأيدٍ مصرية عليها جينات توت عنخ آمون».
وأشار محمد ثروت، إلى أن توقعات ليلى عبد اللطيف تشير إلى وصول منتخب عربي للنهائي وبه حرف الراء، مردفًا: «تحيا مصر، تحيا مصر، الحمد لله أهو هنصعد النهائي أهو».
