الرئيس التنفيذي
أشرف الحادي

رئيس التحرير
فاطمة مهران

هاني أبو الفتوح يكتب: تسلمي يا روح أكتوبر

في البداية أحب أهنى الشعب المصري والقيادة السياسية والقوات المسلحة المصرية باحتفالات الذكرى الـ 48 لانتصارات أكتوبر المجيدة، بعد معركة الكرامة والنصر العظيم على العدو الإسرائيلي، وتحرير أرض سيناء الغالية. نصر أكتوبر اللي جسدت فيه القوات المسلحة أروع البطولات، و كان السبب الحقيقي للنصر هو “روح أكتوبر” اللي الشعب المصري لسه يستلهمها في كل مناسبة، و خصوصا المناسبات الوطنية.

عايز أقول ان “روح أكتوبر” هي اللي خلقت أجواء من المحبة بين جموع الشعب، وساهمت في زيادة التلاحم بين الشعب والجيش ومؤسسات الدولة.

“روح أكتوبر” هي اللي صنعت أجواء المحبة بين الناس، والتوحد في الفكر والتوجه، وإعلاء مصالح الوطن، وده اللي إحنا محتاجينه واحنا بنخوض معارك ضد معسكر الشر والإرهاب، ومن ناحية تانية معارك لبناء الجمهورية الجديدة و تحقيق مستقبل افضل للمصريين و إنجازات دائمة للأجيال الجايه.

و إحنا بنتكلم عن الإنجازات والمشروعات العملاقة والمشروعات التنموية و المشروعات القومية اللي يبنيها المصريين بسواعدهم إحنا محتاجين استلهام قوة الدفع الكبيرة زي ما كان جموع الشعب المصري عايشها – محتاجين “روح أكتوبر”.

اذا كان العبور الأول كان عبور قناة السويس، وتحطيم أسطورة الجيش الإسرائيلي الذي لا يهزم، إحنا محتاجين “روح أكتوبر” عشان نحقق العبور التاني – لكن العبور ده هو العبور إلى التنمية الشاملة والمستدامة عشان مصر تحقق إنجازات زي اللي حققناها في قناة السويس الجديدة والمشاريع الحضارية الكبيرة اللي بتتعمل في سيناء وجميع أقاليم مصر – مش بس في القاهرة و الإسكندرية ولكن في الدلتا و القناة و الصعيد وسيناء.

حرب أكتوبر مش مجرد انتصار عسكري، دي حالة لسه حاضرة عايشنها لغاية النهارده، رغم مرور 48 سنة عليها ً

إحنا شوفنا “روح أكتوبر” لما انتفض المصريين فى 30 يونيو 2013، رغم كل حملات الإحباط والترهيب والإرهاب التي مارستها ميليشيات “الإخوان”، سواء فى الإعلام، أو وسائل التواصل الاجتماعي، أو حتى في الشارع المصري، وشفنا إرادة المصريين وثقتهم بالله وبُحبهم لبلدهم، لغاية ما نجحت الثورة و أطاحت بنظام الإخوان.

أنا بأكد على ان مصر دولة عظيمة، وعندها حضارة عمرها آلاف السنين قادرة بإذن الله على صنع إنجازات كبيرة رغم التحديات اللي بتواجهها داخليا وعلى المستوي الإقليمي .

التحديات الداخلية كتيره. عندنا تحدي الزيادة السكانية الكبيرة اللي محتاجة زيادة مخصصات للدعم و التعليم والصحة. عندنا تأثير فيروس كورونا اللي لسه مأثر على عودة الحياة والاقتصاد زي الفترة اللي قبل الجائحة لما مصر كانت من أعلى الدول اللي بتحقق مستويات النمو، والسياحة منتعشة. عندنا استكمال المرحلة الثانية من برنامج الإصلاح الاقتصادي اللي هدفه دعم النمو الاقتصادي والبناء على مكتسبات المرحلة الأولى من الإصلاح الاقتصادي. كمان ازي نكمل المشاريع القومية ونحقق رؤية مصر 2030. بس لازم نفتكر ان التحدي الأكبر هو محاربة الإرهاب ومخططات معسكر الشر اللي عايز يرجع البلد إلى عصور الظلام.

مصر بتواجه تحديات إقليمية مرتبطة بالصراعات الإقليمية فى المنطقة عشان تمنع امتداد تداعياتها وتأثيرها السلبي على مصالح مصر. مثلا موقف إيران وتأثيره على أمن الخليج، وملف سد النهضة و التدخل التركي في المنطقة، وعمل توازن مع الدول اللي تملك احتياطيات موارد الطاقة بشرق البحر المتوسط، والحفاظ على الأمن القومي من مخاطر النزاعات والتدخل في ليبيا.

عشان مصر تتعامل مع كل التحديات محتاجين “روح أكتوبر” نستلهمها في معركة البناء والتنمية و الحفاظ على مقدرات الوطن.
عيشتي يا “روح أكتوبر”.

أخبار ذات صلة

من يملك الخوارزميات يملك السوق.. صراع العقول بين وادي السيليكون والتنين الصيني

اليوم العالمي للعلاقات العامة: أكثر من مجرد مهنة

أبوظبي.. المدينة الأكثر أماناً في العالم

مراجعة البنك المركزي الأوروبي.. توقف مؤقت لدورة خفض أسعار الفائدة مع اقتراب الموعد النهائي للرسوم الجمركية

الموعد النهائي للرسوم الجمركية لشهر أغسطس.. حالات عدم اليقين.. اختبار الأرباح للبنك المركزي

لماذا تُعدّ سلسلة التبريد الذكية أمراً حيوياً للأمن الغذائي في دول الخليج؟

العلاقات العامة والذكاء القادم

تحليل: أسواق الأسهم العالمية تتجاهل التهديدات التجارية.. لكن مخاطر التصحيح الهبوطي تتزايد

آخر الأخبار
الأرصاد: الموجة الحارة مستمرة حتى الثلاثاء المقبل بالأسماء.. وزير الداخلية يعتمد حركة تنقلات وترقيات ضباط الشرطة 2025 وزير الاستثمار والتجارة الخارجية يلتقى عدد من كبرى الشركات اليابانية الليلة.. نانسي عجرم وحكيم يحييان الليلة الرابعة لمهرجان مراسي "ليالي مراسي" مصطفى قمر يستعد لطرح ديو غنائي جديد مع إدوارد المنتخب السعودي يحقق أربع جوائز في أولمبياد الأحياء الدولي 2025 بالفلبين الزمالك يُعلن عن 3 صفقات جديدة لتدعيم صفوف الفريق بعثة الأهلي تصل فندق الإقامة فى تونس العاصمة Ukraine Leads as Intensity Rises on Day Six of IMMAF Youth World Championships in Al Ain Region الرئيس السيسي يتلقى اتصال هاتفي من نظيره الفرنسي إيمانويل ماكرون عروض "أنغام الشباب" و"أوبرا عربي" و"تراث الشرقية" في ثاني أيام مهرجان "ليالينا في العلمين" تحالف الشمول المالي AFI يصدر دراسة حول المبادرة الرئاسية "سكن لكل المصريين" Artal Developments launches (Cēllen & Wēllen) projects in New Cairo وزير التربية والتعليم يكرم أوائل الثانوية العامة ويشيد بتفوقهم وتميزهم «أرتال للتطوير العقاري» تطلق مشروعي «cēllen» و«wēllen» بالقاهرة الجديدة وزيرة التخطيط تعقد اجتماعات ثنائية مكثفة مع وفود الدول ورؤساء مؤسسات التمويل الدولية ومنظمات الأمم ا... أبرز أنشطة وزارة الشئون النيابية والقانونية خلال أسبوع رئيس هيئة قناة السويس: "نلتزم بالدور المحوري للقناة في تحقيق الاستدامة لسلاسل الإمداد العالمية" من يملك الخوارزميات يملك السوق.. صراع العقول بين وادي السيليكون والتنين الصيني انطلاق فعاليات الدورة الرابعة للملتقى السنوي للجالية المغربية المقيمة بالخارج بإقليم زاكورة