كشف المطرب علي الألفي عن اصابته بفيروس كورونا للمرة الرابعة، وذلك في منشور له عبر فيسبوك، ووصف أعراضه والحالة التي يمر بها.
وقال علي الألفي عبر فيسبوك:” تجربة الكورونا لرابع مرة خلت الموضوع فلسفي اكتر … من اسبوعين كنت بغني و بدب برجلي في الأرض كما لو كنت الاقوى في الدنيا في حضور صحابي …. و بعدها بفترة وصلت لمرحلة من ألم العظم و السخونية اني اتصل باصدقائي ابكي من الألم …. و دي مرحلة كل اللي عارفينني متأكدين اني ما بوصلهاش بسهولة…. انا زمان عملت عملية و رجعت سايق يا جدع ولا يهمني “.
واستطرد علي الألفي:” كنت بتعامل مع الحالة أنها دور برد لغاية ما القهوة طعمها بقى مية و ملح و البرفانات اتشوهت ريحتها.. الكورونا مزيج من المرض و الألم و السجن الانفرادي…. و لو انت لوحدك مفيش قدامك غير انك تنشف و تقوم تخدم نفسك … اقصى ما يمكن للجميع تقديمه هو مكالمة .. و رغم انها حقيقي بتفرق و بتهون نفسيا … لكن بردو بتحس انك في تجربة (يوم يفر المرء من أخيه) و بالتحديد (لكل امرئ منهم شأن يغنيه) …. احنا لوحدنا في الدنيا … شايلين شيلتنا و هنقابل ربنا شايلين شيلتنا … مهما كانت عزوتك و مهما كنت مسنود ب سند … هتيجي لحظة حقيقة تعرف فيها حجمك مقدرتك … يا رب اغفر لي كل لحظة تناسيت فيها قوتك و سمحت لنفسي بغضبك يا رب … استغفرك ربي و أتوب اليك و بشهد عليا كل اللي يقرا الكلام ده و انت خير الشاهدين”.
