وجه الإعلامي إبراهيم فايق، انتقاداً حادًا للبعثة المصرية في دورة الألعاب الأولمبية، مشيرًا إلى أن البعثة سافرت بـ164 لاعب ولاعبه وحصدنا ميدالية واحدة برونزية حتى الآن، و ذلك في تصريحات له عبر برنامجه «الكورة مع فايق» المذاع على «إم بي سي مصر 2».
وقال إبراهيم فايق: «يا فرحتي طالعين بـ164 واحد، معانا واحدة برونزية، وربنا يكرمنا بـ أحمد الجندي بكرة في الخماسي الحديث ويبقى معانا ميدالية ذهب أو فضة يارب يا كريم، عشان العملية تطلع معانا شوية أحنا في ذيل القائمة».
وأضاف: «أمريكا أكبر بعثة بـ594 لاعب ولاعبه واخدين مركز ثاني بـ 109 ميدالية، وأحنا في ذيل الشكمان ورا، معانا ميدالية برونز وبيقولك هناخد من 7 ميداليات لـ 11 تقريبًا ده كان توقيت مش ميداليات».
وأستكمل: «أحنا معندناش انتقاء في اختيار اللاعبين، في سباحة كندية 17 سنة من جزيرة متعرفش هي من أي حته عدد سكانها 180 ألف واحد ميجوش نزلة السمان عندنا طالعين 4 أفراد قاعدين جنب السواق، واحدة جابت ذهب».
